ඇන්ජලීනා ජොලී පිළිබඳව නොදන්න සිනමා
රසිකයෙක් සිටින්නට නොහැක. ඇය දරුවන් හය දෙනෙකුගේ මවකි .ඒ ඇගේ ම දරුවන් සහ
ඇය විවිධ රටවලින් ඇති දැඩි කරගන්නට ගත් දරුවන් ද සමගය.ඇන්ජලීනා සමාජ
ක්රියාකරිනියකි .ඇය එජාතීන්ගේ සංවිධානයේ නිත්ය තානාපතිවරියක ලෙස
බොස්නියා වැනි රටවල් වළ අසරණව සිටින ස්ත්රීන් සහ දරුවන් වෙනුවෙන් සේවය
කරන්නියකි. ඇය මේ වනවිට සිනමා නළු බ්රැඞ් පිට් සමග ජීවත්වන අතර ඇන්ජලීනා
සිය රංගන දක්ෂතාවෙනුවෙන් ඔස්කාර් සම්මාන පවා හිමිකරගත් විශිෂ්ට රංගන
ශිල්පිනියකි .
ඇන්ජලීනා ට හදිසියේම ශෛල්යකර්මයක් සිදු
කර ඇත. එය අමෙරිකවේ සියලූම පුවත්පත් වාර්ථා කර තිබුනේ ප්රධාන සිරස්තල
යටතේය. ඇන්ජලීනාගේ මව මියගියේ වයස 56දීය. ඒ ඕවේරියන් (ඩිම්බකෝෂ)පිළිකාවක්
හේතුවෙනි. මේ නිසාම ඇන්ජලීනාට ද පිලිකා අවධානමකට මුහුන පාන්නට සිදුව තිබේ
.ඒ නිසා ඇන්ජලීනා පවසා ඇත්තේ ඇයට ඉක්මණින් මරණයට පත්වීමට අවශ්ය නැති බවයි.
මේ නිසා ඇන්ජලීනා වෛද්ය උපදෙස් ලබාගෙන ඇති අතර ඇයට සියයට 87 බ්රෙස්ට්
කැන්සර් සහ සියයට පනහක් ඕවෙරියන් (ඩිම්බකෝෂ)අවධානමක් ඇති බව ප්රකාශ කර
ඇත. මේ නිසා ඇන්ජලීනා පසුගිය පෙබරවාරියෙ දී The Pink Lotus Breast Centerහි
දි සිය ජීවියේ අසීරුතම අවස්ථාවකට මුහුන දී ඇත. එනම් ඇයගේ පියයරු
ඉවත්කිරීමේ ශෛල්ය කර්මයට ඇයට මුහුන පාන්නට සිදුවීමයි .මේ සම්බන්ධයෙන් ඇය
ප්රථම වරට පසුගියදා මාධ්ය වෙත ප්රකාශයක් නිකුත් කරමින් සිය ශෛළ්ය
කර්මය පිලිබඳව හෙලි දරව් කර ඇත .
"අප්රියෙල් 27 මාස තුනක වෛද්ය
ක්රියාමාර්ගවළට අනුව පයෝධර ඉවත් කිරීමේ ශෛල්ය කර්මයකට මුහුන
දුන්නෙමි.මෙය මට රහසක් ලෙස තබා ගන්නට සිදුවූයේ මගේ වැඩ කටයුතු නිසාය.
නමුත් මා මෙය මේ මොහොතේ ප්රකාශ කරන්නේ මගේ අත්දැකීමෙන් කාන්තාවන්
දැනුවත් කිරීම උදෙසාය. පිළිකා තවමත් මිනිසුන්ගේ හදවත් තුළ තිගැස්මක් ඇති
කරන්නකි. එය ගැඹුරු පසුබෑමක් මෙන්ම මානසික බෙලහීන තාවක් ඇති කරවන්නකි.
නමුත් අද වනවිට ලේ පරීක්ෂණයකින් මෙම පියයුරු පිළිකා සහ ඕවේරියන් පිලිකා
ඇති ද යන්න සැක හැර දැනගත හැකියි. ඒ නිසා එවන් සැකයක් ඇත්නම් එසේ නොසිට
පරීක්ෂණයන් කර අවශ්ය ප්රතිකාර වෙත වහාම යොමුවන ලෙස ඉල්ලා සිටිනවා ."
ඉහත සඳහන් වන්නේ ඇන්ජලීනා නිව්යෝර්ක්
ටයිම් පුවත් පත සඳහා යොමු කර තිබූ සටහනයි. ඇයගේ මෙම සටහන ජනප්රිය
තාරකාවන්ට මෙන්ම සාමාන්ය කාන්තාවන් සඳහා ඉතා විශාල වැදගත් කමකින් යුක්ත
පනිවිඩයක් බවත් ,එය ඔවුන් ඉතා බුද්ධිමත් ආකාරයෙන් සළකා බලනු ඇති බවත්
මාධ්ය වාර්ථා කර තිබිණි .
මේ සම්බන්ධව ඇන්ජලීනාගේ වෛද්යවරු පසුගිය
අගහරුවාදා(14)වන දින එරට වේලාවෙන් පස්වරු 100ට ඇයගේ මෙම සැත්කම පිළිබඳ
මාධ්ය හමුවක් කැඳවා තිබිණ . ඇන්ජලීනා සහ රෝහල අතර මූලික ගිවිසුමක්
ප්රථමයෙන්ම මෙම ශෛල්යකර්මය අවසන්ව ඇය සාමාන්ය තත්ත්වයට පත්වනතුරු මෙම
කාරණය රහසක් ලෙසත් මාධ්යවෙත ප්රකාශ නොකරණ බවට ඇති කරගෙන තිබූ බව ඔවුන්
මෙහිදී ප්රතමයෙන් අනාවරණය කරණ ලදී.
බ්රැඞ් පිට් මේ සම්බන්ධව මාධ්යට පවසා
තිබුනේ ,"ඇය විසින් තීරණය කොට ගන්නා ලද තීන්දුව සාමාන්ය අනිත් අය විසින්
ගන්නා ලද තීන්දුවක් සේමයි. ඇය ඉතා නිර්භීත තීන්දුවක් ගනු ලැබුයේ. එය
වික්රමාන්විතයි .ඇය යහපත් සෞඛ්ය තත්ත්වයෙන් ජීවත්වීම, නිරෝගීව දිගු
කාලයක් ජීවත්වීම මටත් අපේ දරුවන්ටත් අවශ්යය බවයි ."
ඇන්ජලීනා ජොලි වැනි ලොව ප්රකට රංගන
ශිල්පිනියක් සිය පියයුරු ඉවත් කිරීම පිලිබඳව ලෝකයට හෙලි කරමින්,පියයුරු
පිලිකා සම්බන්ධව ජනතාව තුළ ඇති නොදැනුවත්කම මෙන්ම බිය පහන් කිරීමට කරණ ලද
සේවය අති මහත්ය. මෙවන් තත්ත්වයක් නොසගවා පැවසීමම ඇය වන් සම්මානනීය නිළියක්
කරණ ලද සේවය අති මහත් වනු ඇත .
0 comments:
Post a Comment